يعني ايه data structure ؟

 

يعني هياكل البيانات
( الاجابة موضحتش حاجه )
تعالى أقولك يعني ايه هياكل البيانات
فكرت وقولت اشرحهالك بمثال عن أكتر حاجه بتحبها
" كرة القدم " 😎
-------------------------
مدرب الفريق عنده ١١ لاعب
قبل المباراه المدرب بيقرر الخطة اللي هينَزل بيها اللاعبين الملعب وبناء على الخطة بيكون في استراتيجية فاللعب
مثلا :
٤٢٤ الخطة ده فيها بيقرر المدرب ينزل اللاعبين بشكل معين فالملعب كل واحد ليه مكان محدد ( ده كده شكل او هيكل لوضع اللاعبين بداخل الملعب )
الخطة ٥٣٢ ده خطة تانيه فيها بيختلف اماكن وضع اللاعبين فالملعب ( ده كده هيكل تاني )
الخطة ٤٤٢ ده خطة تانية ( هيكل تاني )
وهكذا
-----------------------------
بناء عليه نقدر نشبه ان الملعب في كرة القدم هو زي ذاكرة الكمبيوتر في علم الحاسب
اللاعبين هما الداتا اللي عاوزين نخزنها في الذاكرة ونتعامل معاها
المدرب هو المبرمج
الخطط المختلفة في كرة القدم هي هياكل البيانات المختلفة اللي تقدر تستخدمها لطرق تخزين الداتا بداخل الذاكرة
وزي ماكل خطة في كرة القدم ليها استراتيجية فاللعب وبتؤثر على لعب الفريق وليها مميزات وليها عيوب
كل هيكل برضو من هياكل البيانات ليه استراتيجية فالتعامل مع الداتا وبيؤثر على اداء البرنامج وليه مميزات وليه عيوب
----------------------------
المدرب على سبيل المثال ممكن قبل الماتش ينزل اللاعبين كلهم صف واحد في خط الوسط بس لو عمل حاجه زي كده هيتقال عليه مجنون لأن من اول دقيقه هيتاخد منهم الكوره
نفس الحكاية برضو فالداتا فكر وخطط لطرق وضع الداتا فالذاكرة علشان تاخد اداء عالي فالتعامل معاها وده سبب اهمية تعلم الداتا ستراكشر
-----------------------------
بس اللاعبين والملعب ده حاجه مرئية للمدرب فهو شايف كويس كل لاعب فين على ارض الملعب
لكن الداتا والذاكرة غير مرئيين بالنسبالك كمبرمج فانت بتخطط لطرق اتصال الداتا مع بعض وتنظيمها
فهنا اي داتا هتتخزن لازم تكون متصلة بشكل ما ببعض لانك لو في داتا غير متصلة بالتانيه فانت فقدت السيطرة عليها تماما كأنها تاهت فالفضاء
وده اللي انت هتتعلمه في كورسات الداتا ستراكشر
لازم تكون الداتا في هيكل البيانات اللي هتستخدمه متصله كلها ببعض تقدر في اي وقت تدخل على الداتا الموجوده او تسلك طريق معين فالذاكرة يوصلك لاي داتا انت عاوزها
------------------------------
عدد اللاعبين هما ١١ لكن احنا بنتكلم عن داتا ممكن توصل لملايين فدراستك وتخطيطك لوضعهم والاضافة عليهم والمسح منهم والبحث فيهم ده حاجه مهمه جدا
وعلشان كده ناس كتير بتقولك اتعلم هياكل البيانات
ومش القصد اننا بنقولك اتعلمها انك لازم هتعملهم بشكل يدوي بايدك بعدين في مشاريعك
في لغات برمجة بتسهلك الدنيا ده جدا لكن فهمك للداتا ستراكشر كعلم واساسياته هيفيدك كتير جدا في علم الحاسب
وفي نظرتك للامور

Written By Rasha Abdeen

Comments

Post a Comment

Popular posts from this blog

ماكدونلز و الميلك تشيك

Image
ماكدونالدز حاولت مرة تزود مبيعات "الميلك شيك" بتاعها وعملت شغلها زي الورق ما بيقول، عملت مقابلات مع العملاء تسألهم عن إيه اللي ممكن يشجعهم يشتروا زيادة. هل يزودوا الشوكولاته، يعملوا منتج السكر فيه قليل، يخلوه خفيف أكتر، تقيل أكتر، يعملوه صحي. المهم كل اللي جمعوه من معلومات لم ينجح في زيادة المبيعات . فطلبوا من Harvard Business School يساعدوهم، وهنا طلعت نظرية جديدة في التسويق. هارفارد كانت وقتها بتطور نظرية اسمها Jobs to be Done ، النظرية دي كانت بتبص للمنتج على أنه بيؤدي وظيفة معينة للعميل، والوظيفة دي ممكن تكون مختلفة تمامًا عن رؤيتك وإنت بتطور المنتج. ولو قدرت تفهم الوظيفة دي هتفرق معاك في كل حاجة . المهم هارفارد عملت دراسة الأول عن أوقات الشراء، واكتشفوا أن عينة كبيرة من مبيعات الميلك شيك بتكون في الصباح الباكر جدا. وسألوا العملاء "إنت ليه بتشتري الميلك شيك دلوقتي تحديدًا"، فالعملاء قالوا إن مشوار الشغل طويل وممل، ومحتاجين حاجة تسليهم على الطريق وتشبعهم لحد ما يفطروا، وسهل يمسكوها وهم بيقودوا السيارة . وكان السؤال التاني، طب لو ما اشتريتش ميلك شيك ممكن...
Read more

Statistics is fun!- Interesting facts.

Image
What do you do when you see a lot of numbers, charts, and the word, "statistics"? You very well may ignore them. But not today! check these fun facts about interesting statistics that reveal a lot about the world around us. For example, did you know that around 1,700 people in the U.S. become millionaires every day? 1.Bangladesh has a bigger population than Russia. © depositphotos According to today's data, the population of the small country,  Bangladesh  is bigger than the population of Russia. There are 20 million more people in Bangladesh even though the area of the country is 116,000 times smaller than that of  Russia . 2. There are far fewer stars than trees. © depositphotos ,  © depositphotos According to  statistics , there are more trees on Earth than there are stars in the Milky Way. Today, there are around 3 trillion trees and 400 billion stars. 3. Germany's population has the lowest percentage of children. © depositphotos ,  ...
Read more

ال MISSING DATA نعمل فيها ايه !؟

  نيجي نعمل analysis ... نبص علي الداتا بتاعتنا قبل ما نبدأ علشان نفهمها كويس ... فنلاقي ان في missing data في بعض ال columns او ال rows ونبقي مش عارفين نعمل ايه علشان علشان نصلح الداتا دي 😭🤦 انا هقولك نعمل ايه ... بص يا سيدي 👀 ... الموضوع يختلف علي حسب اختلاف نوع الداتا ... وعلي حسب نوع ال analysis اللي مطلوبة ... بس الحل مش هيخرج برة الحاجات دى 👇: 1- لو نقدر نرجع لمصدر الداتا او الشخص اللي مسؤول عنها ونشوف هل في backup للداتا اللي ناقصة دي فيقدر يديهالنا ... ودة افضل سيناريو ... ومش بيحصل كتير 😂 2 - لو ال column فيه missing data كتييير بشكل مش هيطلع اي findings واضحة او هيأثر علي ال analysis بالسلب .. فبيكون الافضل اننا نمسحه 3 - طيب لو ال column فيه missing data بس قليلة ... مأثرين علي كام row بس ... ساعتها ممكن نمسح ال rows دي كلها ونستغني عنها 4 - لو بقي ال column دة بيحتوي علي numerical data ... فاحنا ممكن نبدل ال missing values دي ب Average ال column دة .... بس انا عن نفسي مش بحبذ الفكرة دي الا في حالات قليلة جدا 5 - اخر حل بقي اننا نسيب الداتا دي ماهي عادي جدا ... ايه ...
Read more